|
 Hymn 1
agnimILe purohitaM yajñasya devaM RtvIjam
hotAraM ratnadhAtamam
agniH pUrvebhirRSibhirIDyo nUtanairuta
sa devAneha vakSati
agninA rayimashnavat poSameva dive--dive
yashasaM vIravattamam
agne yaM yajñamadhvaraM vishvataH paribhUrasi
sa iddeveSu gachati
agnirhotA kavikratuH satyashcitrashravastamaH
devo devebhirA gamat
yadaN^ga dAshuSe tvamagne bhadraM kariSyasi
tavet tat satyamaN^giraH
upa tvAgne dive--dive doSAvastardhiyA vayam
namo bharanta emasi
rAjantamadhvarANAM gopAM Rtasya dIdivim
vardhamAnaMsve dame
sa naH piteva sUnave.agne sUpAyano bhava
sacasvA naH svastaye
|
