Hindu Books > Hindu Scriptures > The Vedas > The Rig Veda : In Sanskrit > Rig Veda : Book 8

Hymn 1 mA cidanyad vi shaMsata sakhAyo mA riSaNyata indramitstotA vRSaNaM sacA sute muhurukthA ca shaMsata avakrakSiNaM vRSabhaM yathAjuraM gAM na carSaNIsaham vidveSaNaM saMvananobhayaMkaraM maMhiSThamubhayAvinam yaccid dhi tvA janA ime nAnA havanta Utaye asmAkaM brahmedamindra bhUtu te.aha vishvA ca vardhanam vi tartUryante maghavan vipashcito.aryo vipo janAnAm upa kramasva pururUpamA bhara vAjaM nediSThamUtaye mahe cana tvAmadrivaH parA shulkAya deyAm na sahasrAyanAyutAya vajrivo na shatAya shatAmagha vasyAnindrAsi me pituruta bhrAturabhuñjataH mAtA came chadayathaH samA vaso vasutvanAya rAdhase kveyatha kvedasi purutrA cid dhi te manaH alarSi yudhma khajakRt purandara pra gAyatrA agAsiSuH prAsmai gAyatramarcata vAvAturyaH purandaraH yAbhiHkANvasyopa barhirAsadaM yAsad vajrI bhinat puraH ye te santi dashagvinaH shatino ye sahasriNaH ashvAso yete vRSaNo raghudruvastebhirnastUyamA gahi A tvadya sabardughAM huve gAyatravepasam indraM dhenuMsudughAmanyAmiSamurudhArAmaraMkRtam yat tudat sUra etashaM vaN^kU vAtasya parNinA vahat kutsamArjuneyaM shatakratuH tsarad gandharvamastRtam ya Rte cidabhishriSaH purA jatrubhya AtRdaH sandhAtAsandhiM maghavA purUvasuriSkartA vihrutaM punaH mA bhUma niSTyA ivendra tvadaraNA iva vanAni na prajahitAnyadrivo duroSAso amanmahi amanmahIdanAshavo.anugrAsashca vRtrahan sakRt su te mahatA shUra rAdhasAnu stomaM mudImahi yadi stomaM mama shravadasmAkamindramindavaH tiraH pavitraM sasRvAMsa Ashavo mandantu tugryAvRdhaH A tvadya sadhastutiM vAvAtuH sakhyurA gahi upastutirmaghonAM pra tvAvatvadhA te vashmi suSTutim sotA hi somamadribhiremenamapsu dhAvata gavyA vastreva vAsayanta in naro nirdhukSan vakSaNAbhyaH adha jmo adha vA divo bRhato rocanAdadhi ayA vardhasva tanvA girA mamA jAtA sukrato pRNa indrAya su madintamaM somaM sotA vareNyam shakra eNaM pIpayad vishvayA dhiyA hinvAnaM na vAjayum mA tvA somasya galdayA sadA yAcannahaM girA bhUrNiM mRgaM na savaneSu cukrudhaM ka IshAnaM na yAciSat madeneSitaM madamugramugreNa shavasA vishveSAM tarutAraM madacyutaM made hi SmA dadAti naH shevAre vAryA puru devo martAya dAshuSe sa sunvate castuvate ca rAsate vishvagUrto ariSTutaH endra yAhi matsva citreNa deva rAdhasA saro na prAsyudaraM sapItibhirA somebhiruru sphiram A tvA sahasramA shataM yuktA rathe hiraNyaye brahmayujo haraya indra keshino vahantu somapItaye A tvA rathe hiraNyaye harI mayUrashepyA shitipRSThA vahatAM madhvo andhaso vivakSaNasya pItaye pibA tvasya girvaNaH sutasya pUrvapA iva pariSkRtasya rasina iyamAsutishcArurmadAya patyate ya eko asti daMsanA mahAnugro abhi vrataiH gamat sa shiprI na sa yoSadA gamad dhavaM na pari varjati tvaM puraM cariSNvaM vadhaiH shuSNasya saM piNak tvambhA anu caro adha dvitA yadindra havyo bhuvaH mama tvA sUra udite mama madhyandine divaH mama prapitveapisharvare vasavA stomAso avRtsata stuhi stuhIdete ghA te maMhiSThAso maghonAm ninditAshvaH prapathI paramajyA maghasya medhyAtithe A yadashvAn vananvataH shraddhayAhaM rathe ruham utavAmasya vasunashciketati yo asti yAdvaH pashuH ya RjrA mahyaM mAmahe saha tvacA hiraNyayA eSa vishvAnyabhyastu saubhagAsaN^gasya svanadrathaH adha plAyogirati dAsadanyAnAsaN^go agne dashabhiH sahasraiH adhokSaNo dasha mahyaM rushanto naLA iva saraso niratiSThan anvasya sthUraM dadRshe purastAdanastha UruravarambamANaH shashvatI nAryabhicakSyAha subhadramarya bhojanaM bibharSi

Next Page (2/103)